Llingua asturiana: Gema despídise con "EL CANTAR DEL VASU"

Yá nun tenemos más xeres de Llingua Asturiana. 

Nun me queda más que despidime de vosotros col mio agradecimientu por tener unos escolinos y escolines tan bonos , tan trabayadores y tan enfotaos na Llingua ...Toi bien segura que , deprendiéramos muncho o poco, el ciñu por esta llingua tan melguera  tará con vos pa siempre. Como se diz nel entamu d'esti  cantar que-vos presta tanto , y que vos dedico, gracies a vosotros y vosotres la Llingua Asturiana ¡Tien futuru!

El Cantar del Vasu ye un proyectu didácticu que naz nes escueles y institutos d'Asturies adaptando'l popular Cup Song. El cantar y la coreografía quieren ser un reflexu de la importancia de la tresmisión interxeneracional pa caltener la llingua asturiana.

Esti vidiu ye una compilación d'esti proyectu durante'l cursu escolar 2013-14 y cunta cola collaboración de persones y entidaes ayenes al ámbitu educativu que se sumaron a esta iniciativa col enfotu que que la llingua asturiana tenga un futuru dignu.